Welcome to Thurstan College - Colombo 07 - Sri LankaThe 97th batch of Thurstern College, Colombo organized a Dhamma Sermon in view of the 72nd anniversary of the school. The children of the primary section of the school took part in a “Mal Perahera” parade this evening. The Dhamma sermon will be held tonight.
ආචාර්ය ලයනල් අල්ගම මහතා (තර්ස්ටන් විද්‍යාලයේ පාසල් ගීයේ සංගීත නිර්මාණ කරු )
ගම්පහ සියනෑ කෝරළයේ ව්‍යපාරික පවුලක උපත ලබා ඇත .
වයස අවුරුදු 20 දී දෙමාපියන් විසින් සංගීතය හැදෑරීම සදහා ඉන්දියාවට යවා ඇත .
1959 සිට 1989 දක්වා දිගු කාලයක් කොළබ තර්ස්ටන් විදුහලේ සංගීත ගුරු පදවිය දරා ඇත .
මීට අමතරව රජයේ , ගුවන් විදුලියේ , විවිධ ආයතන වල විවිධ තනතුරු දරා ඇත .
නව සංගීත වාද්‍ය භාන්ඩ දෙකක් නිර්මාණය කර සංගීත ලෝකයට දායාද කළා .
එතුමා සංගීත නිර්මාණය කළ චිත්‍රපට ගණන 9 කි . ‘ පටාචාරා ‘ , ‘ පරසතුමල් ‘ ඒ අතර විශිෂ්ට සංගීත නිර්මාණ ඇතුළත්ය .
‘ නරිබෑනා ’ ඇතුළුව දයානන්ද ගුනවර්දන ශුරීන් ගේ නිර්මාණ ගණනාවක සංගීත නිර්මාණය කළා .
චිත්‍රසේන කලායතනයේ නිර්මාණ සදහා සංගීතය නිර්මාණය කළා .
‘කරදිය ’ සහ ‘නළ දමයන්ති ‘ විශිෂ්ට නිර්මාණ , උප සංගීත අධ්යක්ෂක වුයේද ආචාර්ය ලයනල් අල්ගම ශුරීන් ය .
2008 වසරේදී අවුරුදු 74 ආයු වළදා එතුමා අභාවප්‍රාප්ත වුවා .
‘ලයනල්, මම ජනප්‍රිය ජනකථා දෙකක් ඇසුරෙන් නාට්‍යයක් ලියලා තියෙනවා. මතකද? සිවලා සහ ගම දියණියගේ කථාව, ඒ ආශ්‍රයෙන් ‘නරිබෑනා’ කියලා නාට්‍යයක් ලියලා තියෙනවා. ඒක ගීතමය නාටකයක්. ලයනල් අපි දෙන්නා එකතු වෙලා මේ ඉස්කෝලේ ළමයි යොදලා නාට්‍යය කරමුද?
මේ කතාබහ ඇති වූයේ කොළඹ තර්ස්ටන් විද්‍යාලයේ ගුරුවරු දෙදෙනෙක් අතර ගුරු විවේකාගාරයේදීය. වසර 1961 ය.
යෝජනාව ගෙන ආවේ විද්‍යාලයේ භූගෝල විද්‍යාව ඉගැන්වූ දයානන්ද ගුණවර්ධනය. විද්‍යාලයේ සංගීත ගුරුවරයා වූ ලයනල් අල්ගම මේ යෝජනාවට එක පයින් එකඟ වෙයි. දයානන්දගේ නාට්‍ය පිටපත එහාට මෙහාට පෙරළූ ලයනල් සතුටින් මෙසේ කීවේය.
‘මේ නාට්‍යයේ සංවාද ගීතවත් ලෙස ලියැවිලා තියෙන්නේ. අපි රබන් පදවල සරල පද විලාසය හා තාල ඇසුරෙන් තනු නිර්මාණය කරමු’ ලයනල් කීය.
ලයනල් හා දයානන්ද එක ගම් පළාතේය. ලයනල් ගම්පහ බ්‍රැන්ඩියමුල්ලේය. දයානන්ද ගම්පහ උඩුගම්පොළය. ඒ නිසා මේ දෙන්නා කාලයක් තිස්සේ එකට එක පාසලේ ඉගෙන ගෙන හඳුනන නිසා ‘නරිබෑනා’ නාට්‍යයේදී රන් රස ලෙස පෑහුණි.
‘කුමටද සොබනියේ කඳුළු සලන්නේ
හේතුව මම නොදනිම්
ගිරිහෙල් අරඹේ ඇති මගේ නිවසට
මම ඔබ ගෙන යන්නම්’
ඒ නරියා ගයන ගීයකි. ගම දියණිය ගැයූ ‘ඇහැළ මලින් ගස් පිරිලා බලන්න හරි ලස්සනයි’, ‘තෝව දෙන්නෙත් නරියටයි’, ‘ගමෙන් ඇවිදිල්ලා ගමෙන් ඇවිදිල්ලා’, ‘සුරුට්ටු ද බොන්නෙ බුලත්ම ද කන්නෙ’ යන ගීත එදා ප්‍රේක්ෂකයන්ට මෙන්ම මෙදා රසිකයන්ගේ තුඩ තුඩ රැව් දෙන්නේය.
ලයනල් අල්ගම නම් මේ ප්‍රතිභාන්විත සංගිතඥයාත්, ලාංකීක නාට්‍ය වේදිකාවේ මං සලකුණු සටහන් සනිටුහන් කළ දයානන්ද ගුණවර්ධනත් වේයන්ගොඩ මධ්‍ය විද්‍යාලයේ එකට ඉගෙනීම ලැබුහ. මේ දෙදෙනාගේ සම වයසේ සිටි මිතුරු කැල වූයේ මහගමසේකර, චිත්‍රා බාලසූරිය, සූරසේන කළුගම්පිටිය, සෝමසිරි දෙහිපිටිය, දම්සිරි බාලසූරිය යන කලාවට ළැදි පිරිසය. යොවුන් වියේ එළිපත්තේ සිටි මේ සැවොමගේම ගම්පහ මූලස්ථානය වී ඇත්තේ ගම්පහ චිත්‍රා බාලසූරියගේ ‘චිත්‍රා ෆොටෝ’ නම් ඡායාරූප ශාලාවය.
අල්ගම කෝරලලාගේ ලයනල් කුමාරදාස පෙරේරා 1935 මාර්තු 24 වෙනිදා ගම්පහ දී උපත ලැබිය. ලයනල්ගේ පියා වෙළඳ ව්‍යාපාරයක් ගෙන ගිය කුරුණෑගල ඉඩකඩම් තිබූ වැවිලිකරුවෙකි. ධනවතෙකි.
වේයන්ගොඩ මධ්‍ය මහා විද්‍යාලයෙන් ඉගෙනීම ලබන කාලයේ සිටම සංගීතයට ඇලුම් කළ ලයනල් පාසල් යන කාලයේදීම ප්‍රවීණ සංගීතඥ එඩ්වින් සමරදිවාකරයන් වෙතින් සිතාර් වාදනය ඉගෙන ඇත. ඔහුගේ මූලික වාද්‍ය භාණ්ඩය සිතාරය වුව ද එස්රාජය, ගිටාරය, සරෝද්, සර්පිනාව, මැන්ඩලීනය වැනි සංගීත භාණ්ඩ වාදනයේ විශිෂ්ට කුසලතාවක් තිබූ බව ආචාර්ය දයාරත්න රණතුංග පවසා තිබුණි.
සංගීතය ගැන පුතු තුළ තිබූ නිසඟ කුසලතා දුටු ඔහුගේ පියා 1955 වසරේ භාරතයේ විශ්වභාරතී සංගීත විශ්වවිද්‍යාලයට එනම් ශාන්ති නිකේතනයට යැවීමට ප්‍රතිපාදන සපයා දී ඇත. ශාන්ති නිකේතනයට ගිය ලයනල් තුළ මහා කලාකරු රවින්ද්‍රනාත් තාගෝර් තුමා ගැන අසීමිත ආදරයක් හා භක්තියක් ඇති විය. වසර තිහකට පමණ පෙර ලයනල් හමුවීමට නිවසට ගිය මට ඔහුගේ සංගීත කුටියේ තිබූ තාගොර්තුමාගේ විශාල ඡායාරූපයට පහනක් දල්වා තිබෙනු දැකගන්ට ලැබුණි.
‘ශාන්ති නිකේතනය මගේ සංගීත සරසවියයි. ඒ පින්බිමේ ඉගෙන ගන්නා කලේ එහි හැම වැලි ඇටයක්ම මා පෑගුවේ ඉමහත් භක්තියෙන්. අනේ අද තාගෝර්තුමා ජීවතුන් අතර සිටියා නම් කියලා හිතුණා. අපේ අවසන් වසරේ සිතාර් වාදනය විභාග කිරීමට පැමිණියේ මහා ගාන්ධර්ව රවි ශංකර් තුමා. එතුමා මගේ වාදන නිරීක්ෂණ කරද්දී මා තුළ බියක් ඇති වුණා. වාදනය අවසන එතුමා හිස වනමින් මට ආශිර්වාද කරනු දුටුවා.’
ඉංග්‍රිසි භාෂාව මෙන්ම වංග හා හින්දි භාෂාවේ ද ප්‍රවීණතාවක් තිබූ ලයනල් පෙරළා ලක්බිමට පැමිණි පසු ඔහුගේ වඩාත් සමීප සංගීතඥයා වී ඇත්තේ ඩබ්ලිව්. චූලරත්නයන්ය. ඔහු හින්දි භාෂාව ඉගෙන ගත්තේ දරමිටිපොල රතනසාර හිමියන්ගෙනි.
ලංකා ගුවන් විදුලියේ වාදක මණ්ඩලයට ඇතුළත්වීමට එඩ්වින් සමරදිවාකර හා ඩබ්ලිව්. චූලරත්න සංගීතඥයන් උපකාර වී ඇත.
කලක් ලයනල් අල්ගමයන් කොල්ලුපිටියේ චිත්‍රසේන කලායතනයේ නේවාසිකව සිටියදී අමරදේවයන් සමඟ එක්ව චිත්‍රසේනගේ ‘කරදිය’ හා ‘නල දමයන්ති’ වැනි ඉඟි නළුවල සංගීතය සැපයූ බවත් ‘කිංකිණි කෝලම’, ‘ගිනි හොරා’, ‘රන් කිකිළි’ ‘නුවණ්පොදිය’, ‘කුස පබාවතී’, ‘මැක්බත්’, ‘ඔතැලෝ’, ඇතුළු තවත් නාට්‍යවලට සංගීතය මෙහෙයවනු තමා දැක ඇතැයි ආචාර්ය දයාරත්න රණතුංග අපට කියා ඇත.
ගම්පහම නිජබිම කර ගත් චිත්‍රපට අධ්‍යක්ෂ විමලනාත් දිසානායක (ජපානයේ ලංතා තානාපති මහාචාර්ය ගංගනාත් දිසානායකගේ පියා) ලයනල්ගේ කුසලතා දැන සිටියේය. තමා අධ්‍යක්ෂණය කළ ‘පටාචාරා’ චිත්‍රපටයේ සංගීතය ඔහුට පැවරුවේ දෙවරක් නොසිතාය. විමලනාත් 1972 සිළුමිණ කර්තෘ මණ්ඩලයේ සිටියදී ඔහුගේ මේසයත් මගේ මේසයත් තිබුණේ එකට යාබදවය. එකල සිළුමිණ හා සරසවිය කර්තෘ මණ්ඩල තිබුණේ එකටය. සිනමාව ගැන උනන්දු වූ අප දෙදෙනාටම විවේකී අවස්ථාවල කතා කිරීමට බොහෝ දේවල් තිබුණි. ඒ සිනමාවේ රස තොරතුරුය.
‘ලයනල් මම හඳුනන්නේ කුඩා කල සිට. මම ඔහුගේ හැකියාවන් තේරුම් ගෙන තිබූ නිසා කෙදිනක හෝ මම චිත්‍රපටයක් අධ්‍යක්ෂණය කරන කොට සංගීත අධ්‍යක්ෂණය කිරීම සඳහා ඔහු තෝරා ගන්න හිතුවා. 1962 වසරේ මම ‘පටාචාරා’ චිත්‍රපටය ආරම්භ කරලා ලයනල් එක්ක කතා කළා. ඒ කාලේ ‘රන්මුතු දූව’ තිරගත වෙලා. ලයනල් කිව්වා ‘අපි අමරදේවයි නන්දා මාලිනීවයි ගමු’ කියලා. මඩවල එස්. රත්නායකට සින්දු ලියන්න දෙමු’ කියලත් කිව්වා. චිත්‍රපටය 1964 තිරගත වුණා. අදත් (1973 දී) ඒ ගීතවලට මිනිස්සු කැමතියි’ විමලනාත් මට කීවේය.
අද ලයනල්, විමලනාත් හා මඩවල ජීවතුන් අතර නැතත් මේ ගීත දෙක නම් අමරණීය ගීත ලෙස පවතී.
‘තණ්හා ආශා ඔලගු කරේලා
මඟ තොට නොබලා
වගතුග නොසොයා
එළිය දකින්නද මේ යන්නේ’
(අමරදේව)
‘බාලොලි ලොලි ලොලී ලොලී බාලොලි ලිලියේ
බාලොලි වන් පුත නිදියා ගන්නෙ (නන්දා මාලිනී)
1965 පැවැති එක්සත් ලංකා රසික සංගමයේ තිළිණ ප්‍රධානයේ 1964 වසරේ හොඳම සංගීත අධ්යක්ෂක ලෙස සම්මානය දිනා ගත්තේ ‘පටාචාරා’ චිත්‍රපටය සඳහා ලයනල් අල්ගමයි.
ලයනල්ගේ චිත්‍රපට සංගීතයේ කූටප්‍රාප්තිය ‘පරසතු මල්’ය. 1966 තිරගත වු එහි එන ගීත තුන චිත්‍රපට ගීත ඉතිහාසයේ අගනා මිණි මුතු වැනිය. මේ ඒ ගීත ත්‍රිත්වය මෙසේය.
‘සඳකත් පිනි දිය දිය වී ගලනා
සීතල කඳු අතරේ
හද ගොළු වී ඉකි බිඳ ඔබ හඬනා හඬ
මා සවනේ පෑරේ
(අමරදේව)
පරවුණු මල්වල සුවඳ අතීතේ
පරසතු මල් ළඟ විසිර ගියාවේ
දුවගෙ මුවින් එන කැකුළු සිනාවේ
එළිය මැදින් හෙට දවස උදාවේ
(සුජාතා පෙරේරා (අත්තනායක)
අද පමණයි ඉතිරිව පවතින්නේ
හෙට වන විට නැත අප හමුවන්නේ
තොලින් තොලට වෑහෙන ගී සින්දු
තොලින් තොලට පෑදෙන මී බින්දු
තොලින් තොලට යාවෙන අම ලන්දු
මලින් මලට පාවෙන බඹරින්ඳූ
(අමරදේව)
ලයනල් අල්ගම ‘පරසතු මල්’වලට තෝරා ගත්තේ ඔහු පාසල් මිත්‍ර, ගමේ මිත්‍ර චිත්‍රා බාලසූරිය විසිනි. චිත්‍රපටයේ මුල් නම ‘පෙම්වතුන්ගේ ලෝකය’ලු. මේ නම වෙනස් කිරීමට සිතූ කතා රචක පී. කේ. ඩී. සෙනෙවිරත්න, ශ්‍රී චන්ද්‍රරත්න මානවසිංහ, ලයනල් අල්ගම හා චිත්‍රා බාලසූරිය දිනක් මහවැව පැත්තේ ගමනක් ගොස් ඇත. ප්‍රකට දේවාලයක ඉදිරිපිට හිස් තණ පිට්ටනියක හිඳ ගත් ඔවුන් නම ගැන කතා කොට ඇත.
‘මේකට හොඳ නම අනුන්ගේ ගැහැනුන්ට ආදරය කරන වගේ නමක් ‘පරසතු’ වගේ. මානවසිංහයෝ පවසන විටම ලයනල් ‘මල්’ කොටස එකතු කර ඇත.
ප්‍රේමවන්තයන්ගේ ලෝකය ‘පරසතු මල්’ වී ඇත්තේ ඒ ආකාරයෙනි. ලයනල් ගැන චිත්‍රා බාලසූරිය කියන්නේ මේ කතාවය.
‘ලයනල් ආඩම්බරකාරයෙක්. එහෙම වෙන්න කාරණා තිබුණා. ඔහු ශාස්ත්‍රය දැනගෙන හිටියා. හොඳ චරිතයක් තිබූ මිනිහෙක්. ඔහුව තෝරා ගැනීම මගේ. වගකීමත් මගේ. මඩවල එක්ක වැඩ කළ ලයනල් මහගමසේකර දැන හිටියත් මුල්වරට සේකර මේ චිත්‍රපටයට එක් වන්නේ ‘පරසතු මලේ’දී. එහි එන ‘තොලින් තොල වෑහෙන ගී සින්දු’ ගීතයට අධ්‍යක්ෂ ගාමිණී ෆොන්සේකා සතුටු වුණේ නැහැ. ගීතයේ මුල් කොටස විතරක් යාන්තමට ඇහෙන්නේ. ගාමිණී වැඩිය කැමති වුණේ ‘සඳකත් පිනි දිය’ ගීතයට. ඒ ගීතය පසුබිමින් ගැයුවේ දක්ෂ තබ්ලා වාදකයකු වූ ටී. ෂෙල්ටන් පෙරේරා. මේ ගීතය කොතරම් භාවපූර්ණව අමරදේව ගයා ඇද්ද යනු ෂෙල්ටන්ට ගීතය අවසන් කොටස ගයමින් රඟපාන විට ඇත්තටම කඳුළු වැටී ඇත. ‘කවුද උඹට අඬන්න කිව්වේ’ යි ගාමිණී ෂෙල්ටන්ගෙන් විහිළුවට ඇසූ විට ෂෙල්ටන් කියා ඇත්තේ එහි අමරදේවගේ ගායනයත් ලයනල්ගේ තනුවත් සේකරගේ පදවැල් ද හොඳට සංයෝගී වූ දුර්ලභ අවස්ථාවක් නිසා තමා සංවේදී වූ බවයි.
ලයනල් අල්ගම බටහිර චිත්‍රපට බැලීමට දැඩි කැමැත්තක් දැක් වූ රසිකයෙකි. රීගල්, මැජස්ටික්, ලිබර්ටි හා නිව් ඔලිම්පියා සිනමාහල්වල තිරගත වූ බටහිර චිත්‍රපට බැලීමේ රුසියෙක්ව සිටි බව ඔහු මට රහසක් ලෙස පවසා තිබුණි.
‘ඔය ‘පරසතු මල්’ චිත්‍රපටයේ සුජාතා ගයන නැළවිලි ගීතය මහගමසේකර මට ලියා දුන්න කාලයේ මම දවසක් ගියා නිව් ඔලිම්පියා සිනමාහලට ෆිල්ම් එකක් බලන්න. විවේක කාලයේ මම කැන්ටිමට ගියා බීම බෝතලයක් බොන්න. කැන්ටිම ළඟ තිබුණ ඔරලෝසුවේ බට්ටා කිසියම් රිද්මයකට පැද්දෙනවා. එහි එන්නේ නැළවිලි ස්වරයක්. හරියට ‘පරවුණු මල්වල සුවඳ අතීතේ’ ගීිතයේ වචන පෙළට ඒ තාලය අගේට ගැලපුණා. මම ඉක්මනට සිනමාහලේ ප්‍රවේශ පත්‍රයේ ස්වර ලියා ගත්තා. ගෙදර ගිහින් ගීතයේ ඉතිරි ස්වර ලියා ගත්තා. කාලයක් ගියා. සුජාතා ගීතය ගැයුවා. පරසතු මල් අති සාර්ථක ලෙස තිරගත වුණා. ඊළඟ අවුරුද්දේ සරසවිය සම්මාන උලෙළේ මේ ගීතයේ ගායනයට හොඳම ගායිකාවට සුජාතාට හිමි සම්මානය ලැබුණා. එදා මට සම්මානයක් නොලැබුණත් මගේ ගීතයකට සම්මානය ලැබුණනේ. මට මේකට තනුව ලැබුණේ නිව් ඔලිම්පියා සිනමාහලේ ඔර්ලෝසුවෙන් නිසා මම මල් මාලාවකුත් අරන් දවසක් ගියා මැටිනි ෂෝ එකට. එදා විවේක කාලයේ මම බීම බෝතලයක් හෙමි හෙමින් බිබී කැන්ටිමේ ඉන්න කෙනා යනකං කාලය ගත කළා. ඔන්න මිනිහා ගියා. මම ඉක්මනට බෑග් එකක දවටාගෙන තිබුණ මල් මාලාවත් අරන් අර ඔර්ලෝසුවට දාල හෙමින් සීරුවේ සිනමාහලේ මගේ අසුනේ ඉඳ ගත්තා. ඊට මාසයකට විතර පස්සේ මම ආයෙත් ඒ සිනමාහලට ගියා. දෙයියනේ! හොඳටම මැල වෙච්ච මල් මාලාව එහෙමම තිබුණා. මට තනියම හිනා. ඒත් මගේ යුතුකම ඉටු කළා කියලා සතුටක් ඇති වුණා.’
ලයනල් අල්ගම 1963 දී විවාහ වුණේ ගම්පහම පදිංචිව සිටි ශීලා ඔල්ගා පැට්රිෂියා පෙරේරා සමඟය. ඔවුන් දෙදෙනාට ඥාති සම්බන්ධයක් තිබී ඇත. දෙදෙනා නෑනා මස්සිනාලු. ඒ නිසා මිත්‍රත්වයක් ගොඩ නැඟී ඇත. ශීලා චිත්‍රසේන කලායතනයෙන් නර්තනය ඉගෙන ගත් බවත් ගුවන් විදුලියේ ළමා පිටියේ නන්දා මාලිනිය සිටි කාලයේම ළමා ගී ගයා ඇති බව අල්ගම යුවළගේ බාල දියණිය අනුරාධා පවසන්නීය. වරක් ශීලා තම සැමියා ගැන මෙසේ කීවාය.
‘මගේ මහත්තයා වසර 18 ක් කැපවෙලා ‘ශ්‍රී වීණාව’ සංගීත භාණ්ඩය හැදුවා. මෙයට මුලින් කීවේ ‘සුර්තාර්’ කියලා. මේ චමත්කාරජනක විශ්මයජනක වාද්‍ය භාණ්ඩයට අලුත් නමක් විශේෂයෙන් ලංකාවට උචිත නාමයක් තබන ලෙස බෙංගාලි ජාතික සංගීත විශාරදයෙක් කීවේ මේ විස්මිත වාද්‍ය භාණ්ඩය අගය කරමින්. පසුව ලයනල් එය ‘ශ්‍රී වීණාව’ කියලා නම තැබුවා. ඔහු පාසල් ගී කිිපයක්ම නිර්මාණය කළා. ගම්පහ බණ්ඩාරනායක විද්‍යාලය, රත්නාවලී බාලිකා විද්‍යාලය, තර්ස්ටන් විද්‍යාලය සඳහා ද පාසල් ගී නිර්මාණය කළා. එපමණක් නෙවෙයි අද ලංකාවේ දරුවන් ගයන දහම් පාසල් ගීය වූ ‘සම්බුදු හිමිගේ සදහම් සිසිලෙන්’ ගීතයේ තනුව නිර්මාණය කළේ මගේ මහත්තයා. ඒ ගීතය රචනා කළේ සෝමපාල රාජකරුණා මහත්තයා. මම මහත්තයා නිර්මාණය කළ චිත්‍රපට ගී අතරින් ‘මයුරිගේ කතාව’ චිත්‍රපටයේ අමරදේවයන් විසින් ද, තවත් වරෙක සුජාතා අත්තනායක ගයන මේ ගීතයට බෙහෙවින් ප්‍රිය කරනවා. මේ ගීතය ලිව්වේ ගාමිණි ෆොන්සේකා.’
‘නැති වූණු ආදරයක් වෙනුවෙන්
හෙළන සුසුම් අන් හදක වැදී
පෑරුණු හදවත් එකිනෙක අමතා
කියන කතාවයි මේ
සුදෝ මම ආදරෙයි – සුදෝ මම ආදරෙයි’
ලයනල් අල්ගම අතින් සංගීතය නිර්මාණය වූ චිත්‍රපට අතර වසන්තී, ඉඳුනිල, ප්‍රදීපේ මා වේවා, මයුරිගේ කතාව, බාඳුරා මල් ද ටෙලි නාට්‍ය අතර සසර, මිහිකතගේ දරුවෝ, රන් මසු උයන, ඉමදියමංකඩ ටෙලි නාට්‍ය ප්‍රධානය. 2000 වසරේ සුමති සම්මාන උලෙළේදී හොඳම ටෙලි නාට්‍ය සංගීත අධ්‍යක්ෂ ලෙස ඔහු ‘ඉමදියමංකඩ’ ටෙලි නාට්‍ය සඳහා සුමති සම්මානය දිනා ගත්තේය.
ලයනල් හා ශීලාට දරුවන් තිදෙනෙකි. වැඩිමල් පුතා චන්න සජීවනන්ද අල්ගම ලන්ඩනයේ වෙසෙයි. දෙවැනි දියණිය යසසි මධාරා අල්ගම ඕස්ට්‍රේලියාවේ වෙසෙයි. බාල දුව අනුරාධා අල්ගම සොයිසා පුර මහල් නිවාස සංකීර්ණයේ ඕ/4 නිවසේ පදිංචිව සිටින්නීය.
රෙක්සෝනා සබන් මඟින් මෙරට රූගත කළ මුල්ම අම්මයි දුවයි අක්කයි – නංගියි වගේ යන ජනප්‍රිය වෙළඳ දැන්වීමෙහි ශීලා සහ ඇගේ වැඩිමල් දියණිය යසසි රංගනයෙන් දායක වූහ. ශීලා මේ වසරේ ජනවාරි 13 වෙනිදා හෘදයාබාධකින් මියගියාය.
අම්මයි තාත්තයි මිය යාමෙන් අපේ පවුලට වුණේ ලොකු පාඩුවක්. අම්මට පිට පිටම හෘදයාබාධ තුනක් ආවා. අපේ තාත්තා මිය ගියේ 2008 මැයි 18 වෙනිදා. තාත්තා අන්තිම කාලේ ජීවත් වුණේ තද කලකිරීමකිනි. තාත්තාට කිිසිම අගය කිරීමක් වුණේ නැති නිසා තාත්තා පණටත් වඩා ආදරේ ශ්‍රී වීණාවත් තනි කොට අවසන් ගමන් ගියා.
තාත්තා වැඩි දෙනෙක් ආශ්‍රය කළේ නෑ. අන්තිම කාලේ තාත්තා එයාගේ සංගීත කාමරේට වෙලා තනිවම ගත කළා. ඒ කාමරයෙන් නිකුත් වූ සුවඳ අපිට දැනුණා.
ආචාර්ය ලයනල් අල්ගම තමා නිර්මාණය කළ ශ්‍රී වීණාව තනි කොට සමු ගත්තේය.
Source | SARASAVIYA
තර්ස්ටන් විද්‍යාලයේ පාසල් ගීයේ පද රචනා කරු, හෙළ නාට්‍ය කලාව ආලෝකවත් කළ සොඳුරු නිර්මාණකරු…..
Born: October 15, 1934, Sri Lanka
Died: June 24, 1993, Colombo
කලාවට සම්බන්ධ පවුල් පසුබිමක් නොතිබුනද පාසල් ශිෂ්‍යයෙකුව සිටි අවධියේ පටන්ම නාට්‍ය කලාව පිළිබඳව ඔහු තුල පැවතියේ දැඩි ආශාවකි. මේ නිසාම පේරාදෙණියේ විශ්ව විද්‍යාලයේ සිය අධ්‍යයන කටයුතු සිදු කරන සමයේදී යහළුවන් විසින් ඔහුට ” ජුබාල් ” හෙවත් ඔවුන්ට නාට්‍ය කලාව පිළිබඳව ඉගැන්වීමට ඕස්ට්‍රේලියාවේ සිට පැමිණි නියුමන් ජුබාල් නම් වූ නාට්‍ය විශේෂඥවරයාගේ නම පටබඳින ලදි. මෙලෙස නාට්‍ය කලාව සිය ලෝකයම කරගත් හේ දයානන්ද ගුනවර්ධනයන්ය.
හෙට්ටිපත්රන්නැහැලාගේ දයානන්ද ගුණවර්ධන වේයන්ගොඩ නගරයට ආසන්නව පිහිටි හල්ගම්පිටිය ගමේදී සයිමන් ගුණවර්ධන නම් වූ ඉංග්‍රීසි ගුරුතුමාගේ මද්දුම දරුවා ලෙස උපත ලැබුවේය. ඒ 1934 වර්ෂයේ ඔක්තෝම්බර් 15 වන දිනයේදීය. ඔහුට තවත් සහෝදරයන් තිදෙනෙක් විය. කුඩා කල දෙමවුපියන්ගෙන් ඈත්ව දරුවන් නොසිටි පුංචි අම්මා ළඟ ඔහු හැදී වැඩුනේය.
කලගෙඩිහේන පාසලින් සිය අධ්‍යාපන කටයුතු හැදෑරීම ආරම්භ කළ ඔහු අනතුරුව උඩුගම්පල මහා විද්‍යාලයටත් වේයන්ගොඩ මහා විද්‍යාලයත් ඇතුළු වූවේය. මෙම පාසල් වලදීද නාට්‍ය වල රඟපෑමට ඔහුට අවස්ථාව හිමි විය. වේයන්ගොඩ මධ්‍ය මහා විද්‍යාලයේ ඉගෙනුම ලබන අවධියේ සිය ප්‍රථම නාට්‍යය , ” පුදුම හමුවීම ” රචනා කර නිෂ්පාදනය කිරීමට ඔහු සමත් වූවේය.
වේයන්ගොඩ මධ්‍ය මහා විද්‍යාලයේදී කනිෂ්ඨ කැඩෙට් නායකයෙකු ලෙසද ක්‍රියා කළ ඔහු වැඩිදුර අධ්‍යාපනය සඳහා කොළඹ ආනන්ද විද්‍යාලයට ඇතුලත් වූවේය. එහිදී ද අනෙක් පාසල් වලදී මෙන්ම නාට්‍ය, සාහිත්‍ය හා සංගීත සංගමයේද විවිධ තනතුරු හෙබවූයේය. එමෙන්ම ආනන්දයේදී ඩී.බී. ජයතිලක සාහිත්‍ය ත්‍යාගයට හා අමරසේන පෙරදිග චිත්‍ර ත්‍යාගයටද හිමිකම් කීමට මෙම දීප්තිමත් සිසුවා සමත් වූවේය. එහිදී මැනවින් ශිල්ප හැදෑරූ ඔහු අවසාන විභාගයෙන් ඉහල සාමාර්ථ ලබා ගනිමින් පේරාදෙණිය සරසවියට තේරී පත් වූවේය.
එහිදී ද මහාචාර්ය ලින් ලුඩොවික් හා එදිරිවීර සරත්චන්ද්‍රයන් සිංහල නාට්‍ය කලාව සම්බන්ධව සිදු කළ පර්යේෂණ ආදියට දයානන්දයන් දැක්වූයේ දැඩි උනන්දුවකි. එමෙන්ම ඔහු විශ්ව විද්‍යාලයේ අධ්‍යයන කටයුතු වලට පරිභාහිරව සිංහල නාට්‍ය මණ්ඩලයේ හා සමාජවාදී සංගමයේ විවිධ තනතුරු රැසක්ද, රාමනාදන් ශාලාවේ සමාජ ලේකම් ධූරයද දැරුවේය. 1957 වර්ෂයේ භූගෝල විද්‍යා විශේෂවේදී උපාධිය ලබා කෑගල්ල මහා විද්‍යාලයේ ගුරුවරයෙකු ලෙස පත්වී ඔහු වසර හතරක් පමණ සේවය කළේය.
” වෙද හටන ” නාට්‍යයෙන් ප්‍රසිද්ධ වේදිකාවට පිවිසි දයානන්දයන් 1958 දී කෑගල්ල විද්‍යාලයේ රංග සභාව සමඟ එක්ව “ස්වර්ණතිලකා ” නාට්‍යය රචනා කර නිෂ්පාදනය කළේය. 1959 වසරේ ” පරාස්සයා ” නාට්‍යය ඔහු විසින් නිමැවුනි. 1960 වසරේ කොළඹ තර්ස්ටන් විද්‍යාලයට ඔහුව අනියුක්ත කෙරුණි. තර්ස්ටන් විද්‍යාලයීය රංග පීඨය හා එක්ව “නරි බෑනා ” වේදිකා නාට්‍යය නිර්මාණය කිරීමට ඔහුට හැකි වන්නේ මෙම අවධියේදීය. සිංහල ජන කතාවක් අනුසාරයෙන් නිමැවුණු මෙම වේදිකා නාට්‍යයේ ” ඇහැළ මලින් ගස් පිරිලා ” හා ” කුමටද සොබනියෙ කඳුළු සලන්නේ ” යන ප්‍රසිද්ධ ගීත රචනා කරමින් දයානන්දයන්ට සහය වන්නේ ලයනල් අල්ගම මහතාය. එම වේදිකා නාට්‍යය මෙන්ම එහි අඩංගු ගීතද ඉමහත් ප්‍රේක්ෂක ප්‍රසාදයට ලක් විය.
ඉන් අනතුරුව ඔහු “බොක්ස් ඇන්ඩ් කොක්ස් ” ඉංග්‍රීසි නාට්‍යයේ ආභාෂය ලත් ” කාමරේ පොරේ ” වේදිකා නාට්‍යයද බල්ගේරියන් නාට්‍යයක අනුසාරයෙන් ” ඇමති පට්ටම ” වේදිකා නාට්‍යයද නිෂ්පාදනය කළේය. ” පිංගුත්තර ” නාට්‍යයද 1961 දී නිර්මාණය කිරීමට කොළඹ විශ්වවිද්‍යාලයීය සිංහල සංගමය හා එක්ව ඔහුට හැකි විය.
1963දී ” බක්මහ අකුණු ” , 1964දී ” දෙන්නා දෙපොළේ “, 1965දී ” ජසයා සහ ලෙන්චිනා ” හා ” ජීවන වංචාව හෙවත් ඉබි කට්ට ” යන නාට්‍ය නිර්මාණය කිරීමට ඔහු සමත් වූවේය. එමෙන්ම ” විකාරයේ ආකාරය “, ” කබායේ හබේ “, “පද්මාවතී “, ” ගජමන් පුවත “, ” බැංකු නාටකය ” හා “ආනන්ද ජවනිකා ” යන නිර්මාණද දයානන්දයන් විසින් ලාංකේය නාට්‍ය කලාව වෙනුවෙන් දායාද කළ මිණි මුතුය. ඒ අතරින් 1983 දී නිෂ්පාදනය කළ ” මධුර ජවනිකා ” වෙනුවෙන් 1984 දී සාම ත්‍යාගයද , 1986 දී සාහිත්‍ය ත්‍යාගයද හිමි විය. 1986දී ඔහු අතින් නිමැවුණු ” ආනන්ද ජවනිකා ” 1986 හා 1987 වසර වල රාජ්‍ය නාට්‍ය උළෙල වලදී හොඳම ස්වීය නාට්‍ය අධ්‍යක්ෂණය, හොඳම සංගීතය, හොඳම වේදිකා පාලනය සඳහා සම්මාන මෙන්ම හොඳම පිටපත සඳහා වූ විශේෂ සම්මානයද හිමිකර ගනු ලැබීය.
1961 දී තර්ස්ටන් විද්‍යාලයෙන් සමු ගත් දයානන්දයන් වැඩසටහන් සම්පාදක වරයෙකු ලෙස ගුවන් විදුලි සේවයට බැඳුනේය. එහිදී ඔහු අධ්‍යාපන සේවයේ, සන්ධ්‍යා සේවයේ හා ඉංග්‍රීසි සේවයේද කටයුතු කළේය.
ඊට අමතරව රංග විද්‍යා පීඨයේ නාට්‍ය කලාව පිලිබඳ කථිකාචාර්යවරයෙකු , රජයේ ලලිත කලායතනයේ බාහිර නාට්‍ය කථිකාචාර්යවරයෙකු , කෑගලු ප්‍රාදේශීය කලා උපදේශකවරයෙකු ලෙසද කටයුතු කිරීමට දයානන්දයන් සමත් වුවේය. එපමණක් නොව ඔහු ශ්‍රී ලංකා කලා මණ්ඩලයේ නාට්‍ය අනු මණ්ඩලයේ හා ප්‍රසිද්ධ රැඟුම් පාලක මණ්ඩලයේ සාමාජිකයෙකුද වුවේය.
ඔහු විවාහ දිවියට අවතීර්ණ වන්නේ 1967 සැප්තැම්බර් 28 වන දිනයේදීය. ඒ ගම්පහ අයිරාංගනී රණතුංග මෙනවිය සමඟය. ඔවුන් දෙදෙනා චක්රායුද කීර්ති, අභිමංගලා හා වසන්තප්‍රිය යන දරු තිදෙනාගේ ආදරණීය මව්පිය දෙපල වූහ.
විශ්ව විද්‍යාල අධ්‍යාපනයට පමණක් සීමා නොවූ ඔහු තවත් බොහෝ අධ්‍යයන කටයුතු වල නිරත වුවේය. නාට්‍ය කලාව පිලිබඳ බ්‍රිතාන්‍ය නාට්‍ය සංගමයේ පාඨමාලාව, ශේක්ස්පියර් නාට්‍ය පිලිබඳ පාඨමාලාව, ගීත නාටක පිලිබඳ ජාතික ගීත නාටක සංගමයේ පාඨමාලාව, රූපවාහිනී පුහුණුව, අධිරාජ්‍ය සම්බන්ධතා ශිෂ්‍යත්ව යටතේ බී බී සී පුහුණුව සහිත ගුවන් විදුලි පුහුණුව, රූකඩ නාට්‍ය පිළිබඳව රුමේනියාවේ හා චෙකොස්ලොවෙකියාවේ පුහුණුව හා විකට චිත්‍ර හා ළමා සිනමාව පිලිබඳ බුකාරස්ට් සිනමා ආයතනයේ පුහුණුව යනාදිය ඔහු හැදෑරූ පාඨමාලා අතර විය. ඔහු අතින් ” මූලික සිතියම් විද්‍යාව “,” මද්දහන් ගින්දර ” හා ” සකල කලා වල්ලභ ” වැනි කෘති ද රචනා වුනි.
” සූරිය ” හි ඉදිරිපත් කිරීමක් වූ ” සොන්ග්ස් ඇන්ඩ් රිදම්ස් ඔෆ් ශ්‍රී ලංකා ” ජී.ඩී.එන්.යූ 21 දරණ කැසට් පටයේ හා සී.එච්.බී 048දරණ 1975 දී නිකුත් කළ vinyl EP 45 rpm ” ජසයා සහ ලෙන්චිනා ” ගී තැටියෙහිද දයානන්දයන්ගේ ” ජසයා සහ ලෙන්චිනා ” නිර්මාණයේ එන ගීත ඇතුලත් විය.
සිංහල නාට්‍ය කලාවේ අනන්‍යතාව විදේශයන්ටද රැගෙන යාමට ඔහු සමත් වූවේය. 1978 දී නැගෙනහිර ජර්මනියේ පැවති සංස්කෘතික උළෙලක “නරි බෑනා ” වේදිකා නාට්‍යය ප්‍රදර්ශනය කිරීමට ඔහුට හැකි වූ අතර 1991 දී දකුණු කොරියාවේදී ” බුද්ධාගම හා කොරියානු නාට්‍ය කලාව ” යන මැයෙන් ගවේශනාත්මක වාර්තාවක් ඉදිරිපත් කිරීමට ද ඔහුට හැකි විය.
ඔහුගේ වේදිකා නාට්‍ය ඉතා සරල විය. බොහොමයක් නාට්‍ය තුලින් උපහාසය ගැබ් වූ අර්ථාන්විත වින්දනයක් ලැබීමට ප්‍රේක්ෂකයාට හැකි විය. වාර්තා රංගන නාට්‍යයක් ලෙස ඔහුගේ ” ගජමන් පුවත ” බොහෝ විචාරක ප්‍රශංසාවන්ට ද බඳුන් විය. නිහතමානි නිර්මාණකරුවෙකු වූ ඔහු තමා නිර්මාණය කරන නාට්‍යයන් නරඹනවාට වඩා එය වේදිකා ගත වන විට අසල කාමරයකට වී සවන් දෙමින් තනිවම එය විඳීමට හුරු වී සිටියේය. නිවසේ විශේෂ කටයුතු තිබියදී පවා ඔහු තනිවම හිඳිමින් නාට්‍ය රචනා කටයුත්තක නියැලෙන්නට ප්‍රිය කළේය. නාට්‍ය කලාව ඒ තරමටම ඔහුගේ ආත්මය හා බැඳී පැවතුණි. නමුත් දීර්ඝ කාලයක් ඔහුගෙන් පෝෂණය වීමට තරම් ලාංකේය නාට්‍ය කලාව භාග්‍යවත් නොවුනි. තම නිර්මාණයන් පමණක් ඉතිරි කරමින් 1993 වසරේ ජුනි 24 වන දින සිය ආදරණීයයන්ගෙන් හා තමා බෙහෙවින් ප්‍රිය කළ නාට්‍ය කලාවෙන් දයානන්ද ගුණවර්ධන නම් වූ මෙම අසහාය කලාකරුවාණෝ සදහටම සමු ගත්හ.
[Source | Sooriya Records Sri Lanka] | Read more at https://www.dayanandagunawardena.org/
Thurstan College who came out victorious last year after 27-years under the leadership of Sandaru Dias will be seeking for a repeat of that performance when they clash with traditional rivals Isipathana College in the 57th ‘Battle of the Brothers’ cricket encounter scheduled to take place on February 28 and 29 at the Sinhalese Sports Club (SSC) grounds with play commencing from 9.30 am each day.
Thurstan leads the series with six wins against Isipathana’s four. This encounter will commence the start of a series of Big Matches that will follow in the weekends to come.
Thurstan will be skippered by third year coloursman Jayavihan Mahavithana who made a century on debut. He will strengthen the batting department having scored 613 runs inclusive of three half centuries.
Thurstan gained three outright wins out of 13 matches played this season against Maris Stella, Lumbini and St. Thomas’ Matara. They also won six occasions on first innings and lost four on first innings.
Third year Yohan Liyanage has scored 503 runs inclusive of two half tons and bagged 46 wickets. He will play a major role as an all-rounder while centurion of previous year’s encounter Avishka Kaushalya will be backing him with 350 runs and 11 wickets.
Right-handed batsman Ranesh Silva who has passed the 400-run mark and will be given fullest support to his team as wicket keeper. Another versatile player Bawantha Jayasinghe piled up 332 runs and captured 12 wickets while right handed Dananja Silva has scored 243 runs inclusive of one half century and bagged 20 wickets.
Seasoned campaigner and centurion Sanath Nandinu (245), Theneth Prabuddha (237), Vihanga Jayanama (206) and Prasanna Pushpakumara (190) will also contribute to uplift the scoreboard.
The Thurstan bowling will rely on spinners spearheaded by leg spinner Punthila Pushpakumara who has claimed 64 wickets. He has obtained 10 wickets in a match on two occasions and has six five-wicket hauls. Spinners Vihash Thewmika, Bimara Ranathunge, Navindu Fernando, Hirudith Hemachandra, Prasanna Pushpakumara, Dananja Silva, Yohan Liyanage and pacies Bavantha Jayasinghe and Avishka Kaushalya will support him to keep the opponents to a lower total.
Thurstan College Head Coach Thamara Abeyratne said, “I have coached the team since 2018 and I happy to say we gained a victory in 2019. We have a well balanced side and our three under 15 players will play in this encounter. I think they will give their fullest contribution to the team. We expect to give a good challenge to the opponents and looking for a repeat of last year’s victory.” Leslie Harischandra is the master-in-charge of the Thurstan team.
Thurstan Senior Sinhala debating team captain Avshka Udara won the first place of Nadiya political program held on 5th November 2019.
Thurstan Scouts, We became champions at 21st Sampath Ranawaka Memorial Challenge Trophy 2019 held today at Kiribathkate Mountain organized by Maliyadeva Scout Troop
CONGRATULATIONS
43rd Colombo Thurstan College Scouts emerged as the runners-up at Lions’ Awake 2019, annual all-island orienteering competition held today at Matara, Sri Lanka organized by the Rahula College Scout Troop
Thurstan College was gifted with an “Orel Smart Classroom” powered by Orel Cooperation. The ceremony was held in the College main hall with the presence of Mr. Kushan Kodituwakku, the Managing Director of Orel and Mr. Indika Kulatunga, the Director Innovations.The project was initiated by Mr. Noel Joseph, the Senior Vice President of OBU Thurstan College, and the members of Trust Fund and the Senior Advisory Board were presented at the event.
A donation of one million was handed over to the Trust fund of Thurstan College by the Orel Cooperation.
